കേരള യുക്തിവാദി സംഘം നേതാവും സാംസ്‌ക്കാരിക രംഗത്തെ നിറസാനിധ്യവുമായ എം.എം അലിയാര്‍ (73) അന്തരിച്ചു. ഇന്ന് പുലർച്ചെ ആയിരുന്നു അന്ത്യം.
എറണാകുളം ജില്ലയില്‍ ഏറെക്കാലം യുക്തിവാദി സംഘം ജില്ല പ്രസിഡന്റ്, സംസ്ഥാന കമ്മിറ്റി അംഗം, കേരള മിശ്രവിവാഹവേദി സംസ്ഥാന വൈസ് പ്രസിഡന്റ് എന്നി മേഖലകളിൽ പ്രവര്‍ത്തിച്ചിട്ടുണ്ട്. ഇദ്ദേഹം ആരോഗ്യ പ്രശ്നങ്ങള്‍ കാരണം നേതൃസ്ഥാനങ്ങളില്‍ നിന്നും മാറി നില്‍ക്കയായിരുന്നു.
ആലുവ തോട്ടക്കാട്ടുകര മണപ്പുറത്തേക്കു പോകുന്ന കടത്തുകടവിലെ വസതിയില്‍ വച്ചായിരുന്നു അന്ത്യം. മൃതദേഹം വൈകീട്ട് 3ന് എറണാകുളം മെഡിക്കല്‍ കോളേജിന് കൈമാറും.
ഭാര്യ ഫിലോമന (റിട്ട. ടീച്ചര്‍), മകന്‍ ഹൈന്‍, മകള്‍ ഹേന മരുമക്കള്‍: മര്‍ലിന്‍, ബെന്നി.
കടപ്പാട്: loginkerala
